‘चपली हाइट ३’ को ‘चारानाको मसला’ सार्वजनिक

अर्जुन कुमारको निर्माणमा बनेको फिल्म ‘चपली हाइट ३’ को ‘चारानाको मसला’ बोलको गीत सार्वजनिक गरिएको छ । गीतको भिडियोमा स्वस्तिमा खड्का, सुपुष्पा भट्ट, आमिर गौतम, महेश त्रिपाठी र द नेक्स्ट टिम लाई देख्न सकिन्छ । राज खम्बु र अश्मिता अधिकारीको स्वर रहेको गीतमा डिपी खनालको शब्द रचना र सुबाश भुसालको संगीत रहेको छ ।

निकेश खड्काको निर्देशनमा बनेको फिल्ममा स्वस्तिमा खड्का, आमिर गौतम, सुपुष्पा भट्ट, महेश त्रिपाठी, प्रतिक श्रेष्ठ, अर्पण थापा, दीपाश्री निरौला, लक्ष्मी बर्देवा, बिशाल पहारी, जीबन भट्टराई लगायतको मुख्य भूमिका रहेको छ । पुरुशोत्तम प्रधानको छायांकन रहेको फिल्मलाई आकाश बरालले लेखेका हुन् । फिल्म चैत्र २८ मा रिलिज हुनेछ । सोहि दिन प्रदिप खड्काको ‘प्रेम गीत – ३’ पनि रिलिज हुदैछ ।