‘साउथ एसियन फिल्म फेस्टिबल’ मा ‘बुलबुल’ लाई पब्लिक च्वाइस अवार्ड

फ्रान्समा आयोजित ‘साउथ एसियन फिल्म फेस्टिबल’ मा बिनोद पौडेल निर्देशित नेपाल फिल्म ‘बुलबुल’ ले पब्लिक च्वाइस अवार्ड हात पारेको छ । फेस्टिभलमा अभिनेत्री स्वस्तिमा खड्का र निर्देशक पौडेलले सहभागी भएका थिए । फिल्म प्रदर्शनपछिको अन्तरक्रियामा फिल्म हेर्ने दर्शकले फिल्ममा स्वस्तिमाको अभिनय र फिल्मको अन्त्य अत्यन्त मन पराएको प्रतिक्रिया दिएको निर्देशक पौडेलले बताए । ‘नेपालमा पनि राम्रा फिल्म बन्दा रहेछन् । अब खोजी खोजी हेरिन्छ भन्ने पनि उनीहरुको प्रतिक्रिया थियो,’ पौडेलले बताए । ‘बुलबुल’ मा स्वस्तिमा खड्का, मुकुन भुषाल र लक्ष्मी बर्देवाको मुख्य भूमिका रहेको छ । फिल्मले यसअघि नेपालको राष्ट्रिय अवार्डमा सर्बोत्कृष्ट अभिनेत्री र सर्बोत्कृष्ट निर्देशन विधामा पुरस्कार जितेको थियो भने स्वस्तिमा खड्काले सार्क फिल्म फेस्टिभलमा जुरी अवार्ड हात पारेकी थिइन् ।

उक्त फेस्टिभलमा भारतकि अनामिका हक्सरको फिल्म ‘टेकिङ दि हर्सेज टु इट जलेबीज’ ले स्टुडेन्ट जुरी अवार्ड र भारतकै गितु मोहनदासको फिल्म ‘मोथोन’ ले जुरी अवार्ड हात पारेका थिए ।