‘परदेशी -२’ मा प्रकाश सपुत र वर्षा सिवाकोटी

सुपरहिट फिल्म ‘परदेशी’ को सिक्वेल बन्ने भएको छ । ‘परदेशी’ कै निर्देशक नारायण राइमाझीले निर्देशन गर्ने ‘परदेशी -२’ मा गायक प्रकाश सपुत र अभिनेत्री वर्षा सिवाकोटीको मुख्य भूमिका निभाउने छन् । फिल्म बैदेशिक रोजगारीमा जाने नेपालीहरुको पिडाको कथामा आधारित हुनेछ । फिल्मको छायांकन फाल्गुनको दोस्रो हप्ताबाट प्रारम्भ गरिने बताइएको छ । फिल्मको लागि अर्की एक अभिनेत्रीको पनि खोजि भैरहेको र स्रोतका अनुसार उक्त भूमिकाको लागि केकी अधिकारीसँग कुरा भैरहेको बुझिएको छ ।

२०७२ मा प्रदर्शनमा आएको ‘परदेशी’ मा प्रशान्त तामांगले मुख्य भूमिका निभाएका थिए र फिल्मलाई दर्शकहरुले अत्यन्त रुचाएका थिए ।