आकाश र पुजा फेरी सँगै

दर्शकहरुले मन पराउने जोडी आकाश श्रेष्ठ र पुजा शर्मा फेरी फिल्ममा संगै देखिने भएका छन् । ‘मन परेसी’ नामको फिल्ममा उनीहरु ले संगै काम गर्न लागेका हुन् । रघु परियार प्रस्तुतकर्ता रहेको फिल्मको श्रीपन्चमीको अवसरमा पारेर काठमाण्डौको भद्रकाली मन्दिरमा शुभ मुहुर्त गरिएको छ । फिल्मको छायांकन यहि साताबाट शुरु गरिनेछ । दिनेश शाही र चक्र पाख्रिन तामाङले निर्माण गर्ने यो प्रेम कथा बोकेको फिल्मलाई रुपेश थिङले निर्देशन गर्नेछन् ।

भुवन राज जोशी, कृष्ण परियार, ज्ञानुप्रसाद खनाल र प्रेम बहादुर घर्ति सह निर्माताको रुपमा रहेको फिल्ममा अमृत थिङ्ग तामाङ कार्यकारी निर्माताको रुपमा रहेका छन् । फिल्ममा आकाश श्रेष्ठ र पुजा शर्मा बाहेक बुद्धि तामांग, रबिन्द्र झा, शिशिर राणा, किरण श्रेष्ठ, मोनालिसा खतिवडा लगायतका कलाकारको अभिनय रहनेछ । फिल्ममा संजोग राणाको पटकथा तथा सम्बाद, हरि घले लामाको छायांकन, राजु तामाङको द्वन्द, रामजी लामिछाने र रबिन शाहको कोरियोग्राफी,अर्जुन पोखरेल, पुरुषोत्तम न्यौपाने र श्रीकृष्ण बर्देवाको संगीत रहनेछ । आउँदो २०७७ मा रिलिज हुने फिल्मलाइ रिच इन्टरटेन्टमेन्टले वितरण गर्नेछ ।