‘म्याट्रिक्स’ मा प्रियंका र जोनस !

वार्नर ब्रोदर र भिलेज रोडशोले निर्माण गर्न लागेको चर्चित फिल्म ‘म्याट्रिक्स’ को चौथो भागमा प्रियंका चोपडा र निक जोनस पनि खेल्ने सम्भावना बढेको छ । स्रोतका अनुसार उनीहरु संग फिल्मको लागि कुराकानी भैरहेको बताइएको छ । लाना वाचोस्किले निर्देशन गर्ने फिल्ममा पुरानै मुख्य कलाकारहरु केनु रिभ्स, क्यारी-एनी मोस हुनेछन् भने सेड्युल नमिलेको कारण अघिल्ला तिन संस्करणमा एजेन्ट स्मिथको भूमिका निभाएका ह्युगो वेभिंग हुनेछैनन् ।

प्रियंकाले ‘क्वानटिको’ बाट अमेरिकी टेलीविजनमा डेब्यु गरिकी थिईन् । प्रियंका चोपडा र निक जोनस सन् २०१८ को डिसेम्बरमा बिबाह बन्धनमा बाँधिएका थिए ।