नेपाल भाषाको म्युजिक अवार्ड निराजन प्रधानलाई

Mero Film

माघ ११, २०७६ शनिबार ०८:१२

शुक्रबार राजधानीमा संचार क्रियशनको आयोजनामा नेपाल भाषाको पहिलो म्युजिक अवार्ड ‘नेपाल भाषा स्टार म्युजिक भिडियो अवार्ड २०१९’ सम्पन्न भएको छ । अवार्ड समारोहमा नेपाल भाषासँग सम्बन्धित विभिन्न विधाका स्रस्टा तथा कलाकारहरुले अवार्ड प्राप्त गरे ।

पहिलो म्युजिक अवार्ड ‘नेपाल भाषा स्टार म्युजिक भिडियो अवार्ड २०१९’मा वेष्ट डेब्यू मोडल तर्फ अभिनेता मोडल निराजन प्रधान उत्कृष्ट बनेका छन् । प्रधानले गीत ‘वा दिल मै वा वा…’ बोलको गीतबाट सर्वोत्कृष्ट नवोदित मोडल पुरुष विधामा अवार्ड जितेका हुन् । मोडल महिलातर्फ करुणा श्रेष्ठले अवार्ड चुमिन् । गत जुलाईमा रिलिज भएको उक्त गीतमा निराजन रक्षा श्रेष्ठसँग अभिनयमा थिए । चुजी मोडल मध्येका एक प्रधान नेपाली म्युजिक भिडियो दुनियाँमा महंगा मोडल मानिन्छन् ।