च्याम्पियनका ‘आम्बो’ लाई जज पन्तले फिल्ममा ब्रेक दिने

हिजो प्रसारित कमेडी रियालिटी शो ‘कमेडी च्याम्पियन’ मा दार्जेलिंगका ‘आम्बो’ अनिल राईलाई सुखद बनेको छ । उनको प्रस्तुति सुरु बाटै मन पराएका जज सन्तोष पन्तले उनलाई फिल्ममा ब्रेक दिने बताएका छन् । उनले राईको प्रस्तुति धेरै राम्रो भएको र क्षमतावान भएको कारण आगामी फिल्ममा पक्कै लिने उनले बताए । अहिले निर्माण भएको फिल्म ‘हिजो आजका कुरा’ सकिसकेको कारण मात्रै राईले फिल्म खेल्न नपाएको बताउदै उनले आफुलाई डिजिटल अडिसनबाट नै ‘यसले केहि गर्छ’ भन्ने लागेको बताएका छन् ।

कहिले नागिन डान्स गरेर, कहिले क्यारेकेचार गर्दै दर्शकको मन जित्दै आएका उनी भोट कम आएको कारण टप ८बाट बाहिरिएका थिए । हिजोको प्रस्तुतिमा वाइल्ड कार्ड इन्ट्रीका लागि उनले पुनः प्रस्तुति दिने अवसर प्राप्त गरेका थिए । हिजोको कार्यक्रमका लागि उनले नेपाली र बिदेशीको समाज र सामाजिक जीवनको चर्चा गरेका थिए । उक्त प्रस्तुतिमा उनले नागिन डान्स, सायरी र संदेश सबै बोकेर आएका थिए।