ब्राड पिट र जेनिफर एनीस्टन संगै

स्क्रिन एक्टर्स गिल्ड अवार्ड कार्यक्रमको ब्याकस्टेजमा लिईएको ब्राड पिट र जेनिफर एनीस्टनको तस्विर अहिले जता ततै चर्चाको बिषय बनेको छ । तस्विरमा ब्राडले जेनिफरको हात समाएका छन् र दुवै जना मुस्कुराई रहेका छन् ।

सन् १९९८ मा उनीहरु बीच प्रेम सम्बन्धको शुरुवात भएको थियो । दुइ बर्ष पछी सन् २००० मा उनीहरुले बिबाह गरेका थिए । ब्राड पिट ‘मिस्टर एण्ड मिसेस स्मिथ’ को शुटिंगको दौरान एन्जेलिना जोलीसंग नजिकिए पछी जेनिफर संगको सम्बन्धमा दरार आएको थियो । उनीहरुको सम्बन्ध बिच्छेद भयो । सम्बन्ध बिच्छेदको धेरै पछी सन् २०१९ मा मात्र उनीहरु बीचको सम्बन्ध सुधार हुदै आएको थियो भने स्क्रिन एक्टर्स गिल्डको अवार्ड कार्यक्रमको क्रममा पहिलो पटक उनीहरुलाइ सार्बजनिक स्थानमा संगै देखिएको हो ।

स्क्रिन एक्टर्स गिल्ड अवार्ड २०२० मा ब्राडले ‘वन्स अपअन अ टाइम इन हलिवुड’ बाट उत्कृष्ट सह अभिनेता र जेनिफरले ‘दि मोर्निंग शो’ बाट ड्रामा सिरिज तर्फ उत्कृष्ट अभिनेत्रीको अवार्ड हात परेका थिए ।