थाईल्याण्ड र अस्ट्रेलियामा ‘१२ सत्ताईस’

जौंन योंजोंन निर्देशित कमेडी फिल्म ‘१२ सत्ताईस’ यहि शुक्रबारबाट प्रदर्शनमा आएको छ । यस अघि नै फिल्मको थाईल्याण्ड र अस्ट्रेलियाको लागि प्रदर्शन अधिकार बेचिसकिएको छ । फिल्मलाई रेड अम्ब्रेला इन्टरटेनमेन्ट प्रा. लि. ले थाईल्याण्डमा प्रदर्शन गर्न लागेको हो । थाईल्याण्डको विभिन्न पाँच सहरमा फिल्मको ५ शो हुनेछ ।

ह्याप्पी प्लानेट फिल्म्सले कमेरो फिल्म्स स्क्रिन संगको सहकार्यमा निर्माण गरेको फिल्ममा समिर श्रेष्ठ, अभिषेक नेपाल, काजी राना, आश्मिता लामिछाने, सम्रांत थापा, एवोन राज उप्रेती, भिष्म जोशी, आश्मिता खनाल, बिना कार्की लगायतको अभिनय रहेको छ । रेणु राना, दिपक खतिवडा र रुपक थापा निर्माता रहेको फिल्ममा निर्देशक योंजोंनकै लेखन, अनिश स्यान्ग्दनको छायांकन, शैलेश श्रेष्ठको पार्श्व संगीत, कृष्ण भण्डारीको सम्पादन रहेक छ ।