सौगात, दया अनि रेखा : को होला हिरो ?

रेखा थापाले उनको नयाँ फिल्मका लागि कलाकार दयाहांग राइ र सौगात मल्ललाई लिने भएकी छन् ।  नाम अहिले सम्म फाइनल नगरिएको यस फिल्मको लागि धेरै नै मेहेनत गरेको देख्न सकिन्छ ।  यो फिल्म उनका अघिल्ला फिल्म भन्दा अझै बढी ससक्त रहने अनुमान फिल्मको टिम हेरेर गर्न सकिन्छ । आफ्ना फिल्ममा आफुले नै लिड रोल गर्न मन पराउने रेखाले यस पटक कलाका खानी मानिने कलाकारलाइ लिएकी छन् । यो संगै फिल्मको हिरो को होला भन्ने कौतुहलता दर्शकमा बढेको देखिन्छ ।

रेखा फिल्म्सको छैठौ फिल्मको रुपमा रहेको फिल्मलाई सबिर श्रेष्ठले निर्देशन गर्ने छन् । फिल्ममा रेखा थापाको अभिनय र निर्माण रहने छ । आउँदो वर्षको लक्ष्मी पुजामा रिलिज गर्ने तयारी रहेको फिल्मको पटकथा जगदिश्वर थापाले लेखिरहेका छन् । सोसल इस्युमै निर्माण गरिने फिल्ममा दर्शकले रेखाको एक्सन पनि हेर्न पाउनेछन् ।