पल-पूजाको ‘दुखको काँडा’

फिल्म ‘म यस्तो गीत गाउँछु २’को दोस्रो गीत सार्वजनिक भएको छ । ‘दुखको काँडा’ बोलको गीतमा पल शाह र पूजा शर्मा फिचर्ड छन् । ‘द भ्वाइस अफ नेपाल – सिजन २’ का फाइनल प्रतिष्पर्धी सनिश श्रेष्ठले गाएको गीतमा अर्जुन पोखरेलको संगीत छ भने, देवल भण्डारीले गीतको शब्द रचना गरेका हुन् ।

सुदर्शन थापाले निर्देशन गरेको ‘म यस्तो गीत गाउँछु २’ मा पूजा र पलसँगै हरिहर शर्मा, दिनेश डिसी, राजा राजेन्द्र पोखरेल, गणेश गिरी, सोनीका रोकाया लगायतका कलाकारको अभिनय छ । फिल्ममा शिवम अधिकारी र दिनेश न्यौपानेले पटकथा लेखेका छन् । पूजा शर्मा र सुदर्शन थापाले निर्माण गरेको फिल्ममा सौरभ लामाको छायांकन, सुदर्शन थापाको कथा, रामजी लामिछानेको कोरियोग्राफी, अर्जुन पोखरेलको संगीत र बनिश शाह/मिलन श्रेष्ठको सम्पादन छ । जन्मजय सपाङ राई सह-निर्माता रहेको फिल्म फागुन २३ मा रिलिज हुँदैछ ।