‘चिसो एस्ट्रे’ जेठ १६ मा रिलिज हुने

दिनेश पाल्पाली निर्देशित फिल्म ‘चिसो एस्ट्रे’ जेठको १६ गते रिलिज हुने भएको छ । दिव्य देवको मुख्य भूमिका रहेको यस फिल्ममा निकुन श्रेष्ठ, श्रृष्टी श्रेष्ठ, नविन लम्साल, सुशील राज पाण्डे, रबिन तामाङ लगायतको अभिनय रहेको छ ।

फिल्मले गाउँबाट सहर आएर आधुनिक बन्न खोज्ने एक युवाको कथा भन्ने प्रयास गरिएको निर्देशक पाल्पालीले बताए ।

महेशबाबु तिमिल्सिनाको प्रस्तुतिमा कंगारु क्रिएसन र लोकल सिनेमाले निर्माण गरेको  फिल्ममा निर्देशक पाल्पालीकै लेखन, उज्वल बास्ताकोटीको छायांकन र उज्वल ढकालको सम्पादन रहेको छ । फिल्मलाई काठमाडौं उपत्यका भित्र रिच इन्टरटेनमेन्ट र जिजिए ग्रुपले वितरण गर्नेछ भने काठमाडौं बाहिर एफडी कम्पनीले वितरण गर्नेछ ।