सरिता र रामकुमारको ‘लुडो र तास’

सरिता भारती र  रामकुमार बस्नेतले आफ्नो स्वरमा रहेको नयाँ गीत लुडो र तास…श्रोता दर्शकमाझ ल्याएका छन् । सरिताको लुडो र तास पहिलो लोक दोहोरी गीत हो ।  यो गीतमा अलिफ खानको सँगीत रहेको छ । मालश्री रेकर्डिङ स्टुडियोमा रेकर्ड गरिएको यो गीतलाई सञ्चारकर्मी प्रदीप कँडेलले लेखेका हुन् । गीतलाई गायक बस्नेतले नै निर्देशन र प्रदिप भण्डारीले मुख्य सहायक निर्देशन गरेका हुन् । जसमा टँक केसीको छायाँकन, टार्जन खड्काको सम्पादन रहेको छ । भिडियोमा सरिता भारतीसहित रामकुमार खत्री, मनिषा लोकान्द्री, कुमार खत्रीलगायतको अभिनय छ ।