गायक योगीको ‘कथा मृत्युको’

शरीर र आत्मा फरक मान्ने हाम्रो समाजमा कोहि व्यक्तिको मृत्यु हुदै गर्दा आत्माले के सोच्छ होला ? शरीर छुट्टीदै गर्दा, पोलिदै गर्दा छेउमा बसेर आत्माले टुलुटुलु हेर्नु सिवाय के नै गर्न सक्छ र ! यहि भावना समेटेको गीत ‘कथा मृत्युको’ सार्वजनिक भएको छ ।

गीतकार चन्द्र प्रसाईंले लेखेको गीतमा गायक शिशिर योगीको सुमधुर आवाज रहेको छ । योगीकै संगीत रहेको गीतलाई सचिन सिंहले एरेन्ज गरेका छन् । प्रहिल कार्की निर्देशन गरेको भिडियोलाइ आभेश बज्राचार्यले छायांकन गरेका हुन् भने माधब बेलबासेले सम्पादन गरेका छन् । सार्बजनिक भिडियोमा कथा तथा कन्सेप्ट अन्जिता कंडेलको रहेको छ भने भिडियोमा सुन्दर लामालाइ फिचर्ड गरिएको छ ।