मुस्कानका लागि ‘बुद्ध वर्न इन नेपाल’

रमित ढुंगानाद्वारा निर्मित तथा अभिनीत फिल्म ‘बुद्ध वर्न इन नेपाल’ सोमबार विशेष शो आयोजना गर्दै प्रदर्शन गरिएको छ । एसिड पीडित मुस्कान खातुनको सहयोगार्थ ‘लाइन्स क्लब अफ काठमाण्डौ’ ले काठमाडौंको बिग मुभिजमा आयोजना गरेको फिल्मको विशेष शोमा नेकपाका बरिष्ठ नेता माधव कुमार नेपाल उपस्थित थिए ।

विशेष शोबाट उठेको रकममा केही थप गरेर मुस्कानको उपचारका लागि दिइने ‘लाइन्स क्लब काठमाण्डौ’ ले बताएको छ फिल्मको विशेष शोमा मुस्कान पनि पुगेकी थिइन् । उनले आफ्नो उपचारका लागि सहयोग गर्ने सम्पूर्णलाई धन्यवाद दिँदै आफूमाथि एसिड प्रहार गर्नेलाई कडा कारबाहीको माग गरिन् । मुस्कानको एसिड प्रहारले शरिरको १० प्रतिशत भाग डढेको छ । भदौमा उनीमाथि एसिड प्रहार भएको थियो ।