ट्विंकललाई अक्षयको उपहार ‘प्याजको झुम्का’

भारतीय अभिनेत्री ट्विंकल खन्नाले प्याजको झुम्का लगाएर इन्स्टाग्राममा आफ्नो तस्बिर सेयर गरेकी छन् । तस्बिर सेयर गर्दै ट्विंकलले लेखेकी छन्, ‘मलाई खुसी लागेको छ कि मैले यो अनमोल उपहार लगाउने मौका पाएँ जुन एक सुटिङपछि अंकुरित हुनुअघि नै घर ल्याइएको थियो ।’ प्याजको मूल्य पछिलो समय धेरै नै बढेको छ ।

अक्षय कुमारले ट्विंकललाई प्याजको झुम्का उपहार दिएका । ट्विंकलले झुम्काको तस्बिर सेयर गर्दै लेखेकी थिइन्, ‘मेरा श्रीमानले द कपिल शर्मा शोबाट फर्किएपछि भने, ‘उनीहरुले यो करिनालाई देखाए, उनी यसबाटै खासै प्रभावित भएको मलाई लागेन तर यो तिमीलाई राम्रो लाग्छ भनेर सोचेँ र ल्याएँ ।’ कहिलेकाँही साना कुराले पनि मन छुन सक्छ ।’ केहि दिन अघि प्याजको झुम्कासहित करिना कपुरको तस्बिर पनि सार्वजनिक भएको थियो ।