दया अभिनित ‘नीरफूल’ फागुन ३०मा

फिल्म ‘नीरफूल’को प्रदर्शन मिति तय भएको छ । फिल्म भदौ २७ गतेबाट प्रदर्शनमा आउने भनीए पनि पोष्ट प्रोडक्सनको काम नसकिएको कारण उक्त समय प्रदर्शनमा आउन सकेन । अन्तत फागुन ३० गतेबाट अल नेपाल प्रदर्शनमा आउने पक्का भएको छ । भूकम्पका कारण विछोडिएका एक परिवारको कथामा आधारित फिल्म सञ्चारकर्मी फूलमान वलले निर्देशन गरेका हुन् ।

फिल्ममा दयाहाङ राई, शान्ति वाइबा, बुद्धि तामाङ, पुष्कर गुरुङ, जिम्मे छ्योइकी घिसिङ, राजन खतिवडा, सरोज अर्याल, सरिता गिरी, मानस राज, रोशन फ्युबा लगायतको अभिनय रहेको छ । फिल्ममा अभिनेत्री रेखा थापा विशेष भूमिकामा छिन् भने शान्ति वाइबाको यो डेब्यु फिल्म हो । फिल्मको पटकथा निर्देशक वल र सचिन घिमिरेले लेखेका हुन् भने सचिन एशोसिएट निर्देशकको रुपमा समेत छन् । फेण्ड्स अफ नेपाल-म्यान्मार फेन्डसिप काउन्सिल र अमेरिकास्थित ग्रीनतारा इन्टरटेनमेन्टको सहकार्यमा सेलो प्रोडक्शनले निर्माण गरिरहेको फिल्मको कार्यकारी निर्माता डोमा सोनाम हुन्। अन्य निर्मातामा माया केसी, दिपक श्रेष्ठ, चन्द्रमाया तामाङ, उदय लामा, रोज लामा, दिनेश लम्तरी मगर, दिजेश श्रेष्ठ, तेन्जिन सोनाम लामा, गणेश थापा, अशोक थापा, विके श्रेष्ठ लगायत छन् । प्रमोद कार्कीको छायांकन, अर्जुन पोखरेलको संगीत रहेको फिल्मको सम्पादन निमेष श्रेष्ठले गरेका छन् भने वितरक गोविन्द शामी र मनोज राठी रहेका छन् ।