‘शुभ मंगल’ मा सुरविना र कुशल

मनोज अधिकारीले फिल्म ‘शुभ मंगल’ निर्देशन गर्ने भएका छन् । अष्ट्रेलियामा बस्ने एक जोडीको प्रेमसम्बन्धको कथालाई प्रस्तुत गरिने फिल्मको अधिकांश दृश्य अष्ट्रेलियामा खिचिने छ ।

संगम क्षेत्री र नारायण दत्त अधिकारी निर्माता रहेको ‘शुभ मंगल’ मा कुशल थापा र सुरवीना कार्की मुख्य भूमिकामा रहेका छन् । उनीहरुको साथमा बिकास चापागाईं,केपी शर्मा,आर्यन शर्मा,सदिक्षा पाण्डे लगायतका कलाकारले अभिनय गर्ने छन् । देउराली फिल्मस्को ब्यानरमा निर्माण हुने फिल्मको स्क्रिप्ट पनि निर्देशक अधिकारी स्वयम्ले लेखेका हुन् । केही समयभित्रै सुटिङ सुरु हुने फिल्मका अन्य कलाकार तथा प्राबिधिकको हाल चयन भइरहेको बताइन्छ ।