दोश्रो हप्तामा ‘माया पिरिम’

फिल्म ‘माया पिरिम’ ले प्रदर्शनको एक हप्ता पार गरेको छ । तर दर्शक हल सम्म भने सोचेको जसरी आउन सकेका छैनन् ।  कन्टेन्ट बलियो हुदा हुदै पनि फिल्मले राम्रो ब्यापार गर्न नसकेको निर्माण टिमको गुनासो रहेको छ ।  फिल्म हेरेका दर्शकले गरेको माउथ पब्लिसिटीका कारण दर्शक हल सम्म आउने वातावरण बनेको छ ।  फिल्ममा लभ र कमेडीबेस्ड छ ।  एक्सन फरक प्रकृतिको प्रयोग गरिएको निर्माण टिमको दावी छ । युवा पिढीलाइ ध्यानाकर्षण गर्दै फिल्म निर्माण गरिएको छ । दर्शकले फिल्मले रुवाउने र हसाउने बताउछन् ।

टेक पौरखी राईको निर्देशनमा बनेको फिल्मको कथा सबिन अधिकारीले लेखेका हुन् । प्रविन थापा र सबिन अधिकारीको निर्माणमा बनेको फिल्ममा सागर बस्नेत र कोषराज दाहाल कार्यकारी निर्मातामा रहेका छन् । ‘माया पिरिम’ मा मोहन मरासैनी र युवराज दाहाल सह निर्मातामा रहेका छन् । फिल्ममा कोशिश क्षेत्रि,सलोन बस्नेत,किरण चन्द,अन्जली अधिकारी,अर्जुन गुरुङ,कालु राना,जयनन्द लामा,अरुणा कार्की,अनुपमा भण्डारी,विशाल पहाडी,टेक पौरखी राई,सागर बस्नेत लगायतका कलाकारको अभिनय रहेको छ । निरज कंडेलले छायांकन गरेको फिल्मलाई जीवन थापाले सम्पादन गरेका हुन् । फिल्ममा श्री श्रेष्ठको द्वन्द, कोशिश क्षेत्रिको संगीत, शिशिर खातीको कोरियोग्राफी रहेको छ ।