अस्मिता जुरेली अभिनित ‘ओ नारान…’ सार्वजनिक

लोक आधुनिक शैलीको नृत्यपरक गीत ‘ओ नारान…’ को भिडियो सार्वजनिक भएको छ । डस म्युजिकको प्रस्तुतीमा तयार पारिएको गीतमा विजय थापाको स्वर सुन्न सकिन्छ । गीतकार डिपि खनालका शब्दहरुको उक्त गीतलाई राजेन्द्र बजगाईंले संगीतबद्ध गरेका हुन् । संगीतकार बजगाईंले नै उक्त गीतलाई संगीत संयोजन गरेका हुन् । म्युजिक भिडियोलाई शिव बिकले निर्देशन  गरेका हुन् । गीतमा बिककै कोरियोग्राफी समेत छ । रामेश्वर कार्कीद्वारा छायांकन गरिएको उक्त गीतमा रञ्जन अर्याल तथा अष्मिता जुरेलीले अभिनय गरेका छन् । विकास ज्ञवालीले उक्त भिडियोलाई सम्पादन गरेका हुन् ।