कमला घिमिरेको ‘जिन्दगी’ सार्वजनिक

पछिल्लो समयकी चर्चित लोक दोहोरी गायिका कमला घिमिरेको दोस्रो ‘जिन्दगी’ बोलको गीत सार्वजनिक भएको छ । पहिलो ‘चिया छाने’ को गीत पछि अहिले ‘जिन्दगी’ बोलको गीत सार्वजनिक भए संगै ट्रेण्डीङमा परेको हो । आलाप रेकर्डिङ स्टुडियोको प्रस्तुतिमा गायक किसान विनायक र गायिका कमला घिमिरेको आवाजमा कलाकार झलक सङ्गतम ,रेसम ओली र कल्याण घिमिरेको शब्द सिर्जनामा झलक सङ्गतमको लय तथा सङ्गीत संयोजनमा किसान विनायकको लोक दोहोरी एल्बम `जिन्दगी´ सार्वजनिक भएको छ । गीतको निर्देशक मौसम हिमाली हुन भने करन चैसिरको छायाङ्कन रहेको छ र मनोज कार्कीको सम्पादन रहेको छ । उक्त गीतमा करिस्मा ढकाल , नरेश वीर सिंह , कमला घिमिरे र रोहित थापा मगरको अभिनय रहेको छ ।