‘सम्झना बिर्सना’ मा छुल्ठिमको इन्ट्री

फिल्म ‘सम्झना बिर्सना’ मा छुल्ठिम गुरुङको इन्ट्री भएको छ ।  यतिबेला छायांकनको लागि भारतको सिलिगुडी पुगेको टिमका लागि गुरुङ फाइनल भएको खबर बाहिरिएको छ । प्रेमकथानक यस फिल्मलाई निमेष प्रधानले निर्देशन गरिरहेका छन् । छायांकन सुरु भएपछि सि अभिनेत्री छुल्ठिम गुरुङको इन्ट्री भएको हो ।

आदित्य प्रधान र रेविका प्रधानले निर्माण गरिरहेको फिल्ममा पूजा शर्मा, आकाश श्रेष्ठ र छुल्ठिमसँगै सुनिल थापा, शिशिर राणा, मेनुका प्रधान, मदन भुजेललगायतका कलाकारको पनि मुख्य भूमिका रहनेछ । आदित्य फिल्मसको व्यानरमा निर्माण भैरहेको फिल्म शिव ढकालले खिचिरहेका छन् । वेस्ट बेंगलका रमणीय स्थानमा फिल्मको छायांकन गरिने निर्माण पक्षले बताएको छ ।