प्रेमका पिता शिव श्रेष्ठ : क्यारेक्टर पोष्टर सार्वजिक

प्रतिक्षारत फिल्म ‘प्रेम गीत ३’ का मुख्य कलाकार शिव श्रेष्ठको क्यारेक्टर पोस्टर सार्वजनिक भएको छ । फिल्ममा उनी राजा तथा दुई हिरो प्रदीप खड्का र मनिष राउतको पिताको भूमिकामा देखिने छन् ।  पोस्टरसंगै निर्माण टिमले फिल्मको आधा छायांकन सकिएको जानकारी समेत दिएका छन् ।

आसुसेन फिल्म्स प्रोडक्सनको ब्यानरमा निर्माता सन्तोष सेन र छेतेन गुरुङको निर्देशन रहेको फिल्म उनीहरुले नै निर्माण गर्दै छन् । चंखे शंखे पंखे, प्रेम गीत, प्रेम गीत २, मेरी मामु पछिको निर्माता सेनको यो पाँचौं प्रोजेक्ट हो । प्रेम गीतको तेस्रो सिरिज यो बर्षको अन्तिम ‘चैत २८’ मा देशभर प्रर्दशनमा आउने छ । फिल्ममा क्रिस्टिना गुरुङ, शिव श्रेष्ठ, सुनिल थापा, प्रदीप खड्का, मनिष राउत, सन्तोष सेन, प्रेम पुरी, पुष्कर लगायत को अभिनय रहने छ ।