विराजको ‘साङ्लो’ को पहिलो गीत सार्वजनिक

विराज भट्टको डेब्यू निर्देशकिय फिल्म ‘साङ्लो’को पहिलो गीत सार्वजनिक गरिएको छ । ‘चरीले काफल’ बोलको गीतमा राजनराज सिवाकोटी र मिलन नेवारको स्वर रहेको छ । गीतमा राजनकै शब्द तथा संगीत छ । भिडियोमा मुख्य कलाकारहरु विराज भट्ट र निकिता चण्डक फिचर्ड छन् ।

‘साङ्लो’ लाई विराज स्वयंले निर्माण गरेका हुन् । फिल्मले किड्नी तस्करीको कथा भन्ने छ । फिल्ममा विराजको जोडी पूर्व मिस नेपाल निकिता चाण्डकसँग बाँधिएको छ । फिल्ममा प्रकाश शाह नेगेटिभ रोलमा छन् । श्री श्रेष्ठको द्वन्द्व निर्देशन, मानकृष्ण महर्जनको छायाँकन रहेको फिल्ममा कामेश्वर चौरासिया, जयनन्द लामा, आर.पि. पन्तलगायतका कलाकारहरुको पनि अभिनय छ । सुरेश अधिकारी र राजनराज सिवाकोटीको संगीत रहेको फिल्ममा शिवम् अधिकारीले तयार पारेका हुन् । फिल्म माघ २४बाट प्रदर्शनमा आउने छ ।