धाननाच र पालम फ्युजन ‘हाउ लुङ्वा’ सार्वजनिक

गायक राज लिम्बुले नयाँ म्युजिक भिडियो “हाउ लुङ्वा” सार्वजनिक गरेका छन् । यसअघि यौनिक तथा अल्पसंख्यक समुदाय प्रति समर्पित गीत “ बुझिदेउ “ बाट चर्चा कमाएका गायक लिम्बुको यो दोस्रो म्युजिक भिडियो हो । गीतमा नेपालको पुर्वी भागको चलन र संस्कारमा रहेको लिम्बु जातिको को संस्कारमा आधरित नाच र गाउने गीत (पालाम ) को वर्णनलाई अलिकति फ्युजन नयाँ तरिकाले प्रस्तुत गरिएको छ । गीतमा स्वर, शब्द र संगीत लिम्बुको रहेको छ । संगीत संयोजन गोपाल रसाइलीले गरेका हुन् । म्युजिक भिडियोमा रुकमान लिम्बु र प्रिया लिम्बुको अभिनय रहेको छ । अनिल रानाले भिडियो सम्पादन गरेका हुन् । भुपेन्द्र तुम्बाहाङ्फेको निर्देशनमा म्युजिक भिडियो तयार पारिएको हो ।