६बर्षपछि जिन्दावादको ‘हत्केला’

लामो समय पछी ‘जिन्दावाद’ ब्यान्डले आफ्नो नयाँ गीत ‘हतकेला…’ टुबोर्ग ओपन सेसन्स् २ मार्फत् प्रस्तुत गरेको छ । च्यानल आरबिट्ररीद्वारा २०१८ मा सुरु गरिएको टुबोर्ग ओपन सेसन्स् एक युट्युब शृंखला हो, यतिबेला यसको दोस्रो संस्करण चलिरहेको छ ।

गीतका शब्द र कम्पोजिसन ब्यान्डका सदस्य आफैं गर्ने गर्दछन् । ब्यान्डका भोकलिस्ट तथा गिटारिस्ट रोहित शाक्य बितेका १० वर्षदेखि संगीतमा सक्रिय छन् । बेसिस्ट राजन श्रेष्ठ संगीतकारका साथै भिज्युल आर्टिस्ट पनि हुन् र उनी पनि यो क्षेत्रमा एक दशकदेखि सक्रिय छन् । ड्रमर किरण शाही करिब ६ वर्षदेखि यस क्षेत्रमा छन् । किबोर्डिस्ट अभिषेक भाद्रा छन् भने लिड गिटारिस्ट सन्नी तुलाधर । जिन्दावाद शब्द अरूका लागि राजनीति सम्बन्धितजस्तो लागे पनि ब्यान्डका सदस्यहरू भने शक्तिको प्रतीकको रूपमा यो शब्दलाई लिन्छन् ।