‘लभ डायरिज’ को गीतमा प्रिष्मा-प्रिन्सीको नृत्य

फिल्म ‘लभ डायरिज’को नयाँ प्रदर्शन मिति तय भएको छ । फिल्मको छायाँकन सकेसंगै निर्माण पक्षले फिल्म फागुन २ को मिति पक्का गरेको हो । फिल्मको अन्तिम गीत ‘छम छम छम…’ अर्जुन पोखरेलको शब्द, संगीतमा दुर्गा खरेल, सुरेश लामा र कमला घिमिरेले गएका छन् । कोरियोग्राफर प्रविण सिंहले कलाकार सुशील श्रेष्ठ, रुबिना थापा, विश्वजित रिमालसँगै प्रिष्मा, प्रिन्सी खतिवडा र कमला घिमिरेलाई स्टेप सिकाएका छन् । टिक-टक भाइरल हुँदै म्युजिक भिडियोमा व्यस्त प्रिष्मा-प्रिन्सीलाई पहिलो पटक फिल्मको गीतमा फिचर्ड गरिएको हो ।

सौरभ चौधरी निर्देशित लभस्टोरी फिल्ममा सुशील, रुबिना र विश्वजितले मुख्य भूमिका निर्वाह गरेका छन् । फिल्मको ‘सुन्यौँ की सुनेनौँ’ बोलको रोमान्टिक नम्बर रिलिज भैसकेको छ । संजय लामाले खिचेको फिल्म मिलन श्रेष्ठले सम्पादन गरेका छन् । मधु बास्तोलाको कथा/पटकथा रहेको फिल्ममा सम्पादक साहिल खानले सह-निर्देशकको काम सम्हालेका छन् । विनोद सापकोटा निर्माता रहेको फिल्ममा सरोज तुलाधरको सह-निर्माण छ ।