अमेरिकी प्रतियोगितामा नेपालीलाई उपाधि

पहिलो मिस नेपाल अमेरिका सुजिता बस्नेतले अर्को एक प्रतियोगितामा समेत ताज हात पारेकी छन् । अमेरिकी प्रतियोगिता मिस मेरिल्याण्ड युएसएमा उनले सेकेण्ड रनर अपको ताज पहिरिन सफल भएकी हुन् । मिस मेरिल्याण्ड युएसए सन् १९५२ देखि हरेक बर्ष आयोजना हुँदै आएको छ ।

यही प्रतियोगिताकी विजेता नाना मेरिवेदर सन् २०१२ मा मिस युएसए भएकी थिइन् । ओलिभिया कल्पोले सुरुमा मिस युएसए जीतेपनि पछि मिस युनिभर्सको टाइटल जितेपछि फस्ट रनर अप मेरिवेदरलाई मिस युएसए घोषणा गरिएको थियो ।