राजेश हमालको पुर्ख्यौली घरमा ‘सप्तरंग’ टिम

‘टिभीएस अपाचे सिरिज सप्तरंग २’ को तेस्रो प्रस्तुति चितवनमा सकेसंगै टिम नेपालगंज जाने क्रममा राजेश हमालको घर पुगेका छन् ।  रजहरमा अवस्थित हमालको पुर्ख्यौली घरमा पुगी उनीहरुले तस्विर समेत खिचेका छन् ।  पर्यटन प्रबर्धनलाइ मुख्य आधार मानेर यस बर्षको सप्तरंग कार्यक्रम आयोजना गरिएको हो ।  यहि बीच बिर्तामोड, बिरगंज र चितवनको कार्यक्रम सकेर टिम प्रदेश नम्बर ५मा प्रस्तुति दिन गइरहेको छ ।

दोस्रो शृंखलाको लागि अभिनेता राजेश हमाल, गायक सुगम पोखरेल, हास्यकलाकार जीतु नेपाल, गायिका मेलिना राई, हिमाल सागर, प्रकाश सपुत र रवि ओड रहेका छन् । यिनले सातै प्रदेशमा पर्यटन प्रवर्धन र सम्मुनतिका लागि आफ्नो प्रस्तुति प्रस्तुत गर्दै छन् । कार्यक्रमले संगीत र मनोरञ्जनका साथ स्थानिय कला संस्कृतिलाई उजागर गर्ने लक्ष्य राखिएको छ ।