पाँच निर्देशकको फिल्म ‘घामड शेरे’

फिल्म घामड शेरे प्रदर्शनको क्रममा छ । फिल्मको टिममा विभिन्न विधामा ५ निर्देशकले काम गरिरहेका छन्  ।

निश्चल बस्नेत
फिल्ममा घामड शेरेको भूमिकामा सफल निर्देशकको छबी बनाएका निश्चल बस्नेत रहेका छन् । उनले लुट सिक्वेल निर्देसन गरेका थिए । दुवै फिल्म सफल बने र दर्शकले उनलाई सफलको ट्याग थपिदिए । तर उनी हाल अभिनय तर्फ समय बढी दिन थालेका छन्  ।

हेमराज बिसी
सम्बोधन फिल्म मार्फत फिल्म निर्देशनमा प्रवेस गरेका हेमराज बिसीले नै यो फिल्म निर्देशन गरेका छन्  । साथै यो फिल्ममा उनको स्क्रिन प्ले, कथा तथा निर्माण समेत रहेको छ । उनले निर्देशन गरेका अन्य फिल्महरु गाजलु, ग्यांगस्टार ब्लुज, द ब्रेक अप रहेका छन् । उनी पनि फिल्म क्षेत्रले अपेक्षा गरिएका निर्देशक मध्ये कै एक हुन् ।

सुरेन्द्र पौडेल
फिल्म निर्देशक, सम्पादक कथा लेखक तथा ट्रेलर मेकर सुरेन्द्र पौडेल पनि यो फिल्ममा जोडिएका छन् । उनले निर्देशन गरको फिल्म ‘कृ’ सफल भएको छ ।

प्रचण्डमान श्रेष्ठ
भिसा गर्ल र लव सासा निर्देशक प्रचण्डमान श्रेष्ठ समेत फिल्म घामड शेरेमा जोडिएका छन्  । उनले फिल्म वितरण गर्दै छन् ।

सिमोश सुनुवार
निर्देशक सिमोश सुनुवार यो फिल्ममा निर्माताको रुपमा रहेका छन्  । उनले निर्देशन गरेका फिल्महरु मिसन पैसा सिरिज, फस्ट लव, झ्यानाकुटि हुन् ।