अनमोलको ‘धुपौरे’ नबन्ने !

अनमोल केशीलाई लिड रोलमा लिएर बन्ने भनिएको फिल्म ‘धुपौरे’ नबन्ने भएको छ ।  फिल्म नगर्ने अनमोलको निर्णयसंगै फिल्म नै नबन्ने सम्भावना बढेको छ ।

निर्देशक साम्तेन भुटिया र निर्माता जयन श्रेष्ठले अनमोललाई नै लिएर फिल्मको ओभरसिज सेल लगायतका योजना बनाइरहेको अवस्थामा अनमोलले नै हात झिके ।  तर यस विषयमा मेरो फिल्मसंग कुरा गर्दै फिल्मका निर्माता रुपेन खड्गीले फिल्म बन्ने तर केहि समय लाग्ने बताए ।  टिमले मंग्सिरबाट छायांकनमा जाने भन्दै अनमोलको नाम सहितको थिम पोस्टर सार्वजनिक गरेको थियो । स्क्रिप्टमा परिवर्तन गरेको कारण अनमोलले काम गर्न नचाहेको श्रोतको दावी छ ।  उनी कथा मन परेर वर्कसपमा समेत गएका थिए र सोहि अनुसारको बडी बनाउदै थिए ।

अनमोललाई नै लिएर बनाउने भनिएको ब्याचलर बन्टि पनि बन्ने छाटकाट देखिएको छैन ।  भुवन केसीले नै निर्माण गर्ने भनिएको ‘एन्टी हिरो’ मा अब अनमोलले पुरा समय दिने चर्चा छ।