‘माछा माछा’ अब मङ्सिर २०मा

फिल्म ‘माछा माछा’ निर्धारित मितिमा प्रदर्शन नहुने भएको छ । कात्तिक २९ गतेबाट प्रदर्शनमा आउने भनिएकोमा फिल्म पर सरेको छ । फिल्म आउँदो मंसिर २० गतेबाट प्रदर्शनमा आउने भएको छ ।

‘माछा माछा’ मा विजय बराल, अनोज पाण्डे, माओत्से गुरुङ, नम्रता श्रेष्ठ, सरिता गिरी, भोलाराज सापकोटा, कमलमणी नेपाललगायतका कलाकारहरुको अभिनय रहेको छ । फिल्मका लेखक तथा निर्देशक सुनिल गुरुङ हुन् । फिल्मलाई रामबाबु गुरुङ र दयाहाङ राईले निर्माण गरेका हुन् भने छायांकन शिवराम श्रेष्ठको रहेको छ । सिनेमा आर्ट र नौमती इन्टरटेनमेन्टको व्यानरमा निर्माण भएको फिल्मका सह-निर्मातामा ओमचन्द्र रौनियार र अर्जुन कार्की रहेका छन् । फिल्ममा अनुपम शर्माको संगीत, निमेष श्रेष्ठको सम्पादन र प्रविन सिंहको कोरियोग्राफी रहेको छ । फिल्ममा अभिनेत्री सृष्टि श्रेष्ठ विशेष भूमिकामा छिन् ।