दयाहांगको स्थानमा शिव श्रेष्ठका छोरा

कलाकार दयाहाङ राइले फिल्म ‘लप्पन छप्पन २’ नगर्ने भएका छन् । दयाले छोडेसंगै फिल्ममा नायक शिव श्रेष्ठका छोरा शक्ति श्रेष्ठले गर्ने पक्का भएको छ । फिल्म ‘एउटा यस्तो प्रेम कहानी’ मार्फत डेब्यु गरेका श्रेष्ठको उक्त फिल्म समेत छायाँकनको क्रममा रहेको छ । ‘लप्पन छप्पन’ मा राई मुख्य भूमिकामा थिए ।

‘लप्पन छप्पन २’ को यतिबेला अष्ट्रेलियामा छायाँकन भैरहेको छ । मुकुन्द भट्टले निर्देशन गर्दै गरेको फिल्ममा सौगात मल्ल,  अर्पण थापा, अनुपवित्रम शाही लगायतको अभिनय छ । यस अघि समेत छायांकनको लागि भन्दै युरोप पुगेको टिम काम नभएसंगै केहि दिन उतै बसेर फर्किएको थियो छायांकनको समय लम्बिएको भन्दै दयाले फिल्म छोडेको चर्चा छ ।