‘हिमाअस हस्पिटालिटी नेपाल कन्टेस्ट’ बिजेता दुबई जादै

एपी इन्टरटेनमेन्टको आयोजनामा ‘हिमाअस हस्पिटालिटी नेपाल कन्टेस्ट’ तेस्रो सिजनको बिजेतालाइ विदेश भ्रमण गराउने बाचासंगै युएइको दुवई भ्रमण पक्का भएको छ । कन्टेस्ट बिजेता अनिक अधिकारीको भ्रमणलाई पर्यटन बोर्डमा एक कार्यक्रम गर्दै शुभकामना प्रदान गर्दै बोर्डको समर्थन रहेको जानकारी दिइयो । उक्त कार्यक्रममा बोल्दै नेपाल पर्यटन बोर्डका निर्देशक मनिराज लामिछानेले पर्यटन बर्ष २०२० सफल पार्न दुबईमा प्रचार गर्न बिजेता अधिकारीलाइ अनुरोध गरे ।

दुबईमा हस्पिटालिटीको अवस्था, नेपालमा भन्दा फरक लाग्ने बिषय र सिक्नु पर्ने कुरा बारे जानकारी हासिल गर्दै घुमघाम गर्न बिजेतालाइ आयोजक टिमका अर्जुन पाण्डेले जानकारी दिए । साथै उनी नेपाल फर्किएर उक्त बिषयमा आगामी कन्टेस्टमा आउदा प्रतिष्पर्धीलाइ जानकारी दिने समेत बताए ।

तेस्रो सिजन सम्म सफलता पुर्वक कन्टेस्ट सम्पन्न भए संगै आगामी प्रतिष्पर्धा बैशाखमा हुने तयारी रहेको आयोजक उज्वल बस्नेतले बताए ।
बिजेता अधिकारी दुबईमा ५ दिन रहने छन् । उक्त समयमा उनले घुमफिरका साथ साथै दुबईको हस्पिटालिटीको बिषयमा बुझ्ने छन् । अघिल्लो बर्षको चैतमा भएको प्रतिष्पर्धामा १८ प्रतिष्पर्धीलाइ पछी पार्दै उनले उपाधि हात पार्न सफल भएका थिए ।