पोष्ट प्रोडक्सनमा ‘मेरो दिल छ पोखरामा’

बिजि बर्मा फिल्मसको ब्यानरमा निर्मित फिल्म ‘मेरो दिल छ पोखरामा’ को पोष्ट प्रोडक्सनको काम भैरहेको निमार्ण पक्षले बताएको छ । कला राईको प्रस्तुती तथा शंकर अधिकारी घायलको लेखन तथा निर्देशनमा निर्माण भएको फिल्ममा युवा युवती विचको प्रेम र रोमान्सलाई समेटिएको छ ।

फिल्ममा रन्जु रन्जना र राजु पौड्याल , धुव्र सिंह तामाङ, कला राई ,दीपक राई गगां कुवँर, लक्ष्मी श्रेष्ठ ,हेमलता घिमिरे, विशाल सुनुवारको अभिनय रहेको छ । गायक सिडि बिजय अधिकारी ,पुष्कर सुनुवार,शंकर अधिकारी घायलको संगीतमा दिपेन्द्र खड्का र घायलको गीत, नित्याशिवा, सिडि बिजय र ममता रानाको स्वर रहेको छ  । रामकृष्ण कडेँलको छायाँकन,  देव महर्जन को द्वन्द,राजन महर्जनको नृत्य, लक्ष्मण भण्डारी सहायक निर्देशक छन् । यहि पौष ११ लाई रिलिज मिति तोकेर धमाधम पोस्ट प्रोडक्सनको काम भैरहेको छ  ।