जोहेब र सुजनको देउसी गीत सार्बजनिक

नेपालीहरुको महान चाड तिहारको अवसर  पारेर गायक जोहेब मानन्धर र सुजन ढकालको देउसी गीत “झिली र मिलि साझको बेला ” [देउसी रे] को भिडियो सार्बजनिक भएको छ । परम्परागत शैलीमा तयार पारिएको यो मीठो देउसी गीतको शब्द र सङीत चर्चित गायक  संगीतकार  जोहेब मानन्धरको नै रहेको छ । अहिलेको समयमा  मौलिकता हराइरहेको बेला गायकद्वयको यस  गीतले सङीत प्रेमीहरुलाई आफ्नो नेपालीपन को आभास दिलाउने पक्का देखिन्छ। बेजोड शब्द सङीत सङ्ग मिठो स्वरको समिश्रणले गीत मन मोहक बनेको छ भने भिडियोमा पनि त्यही परम्परागत शैलीमा निर्माण गरिएको छ । गीतको अरेन्ज्मेन्ट चर्चीत एरेन्जर  सन्दिप कार्कीले गरेका छ्न भने मिक्स्सिङ रेकर्डिङमा पिक स्टुडियो दिनेश राजबहाक छ्न। अखिल बास्तोलाको सिनेमाटोग्राफी र माधब बेलबासेको सम्पादन रहेको भिडियोको डाइरेक्सन माधब अधिकारीले गरेका हुन ।