‘माछा माछा’ ट्रेलर

२९ कार्तिकमा प्रदर्शनमा आउने सौगात मल्ल स्टारर फिल्म ‘माछा माछा’को ट्रेलर रिलिज भएको छ । फिल्ममा सौगातसँगै विजय बराल र अनोज पाण्डे मुख्य भूमिकामा छन् ।

सुनिल गुरुङको लेखन तथा निर्देशन रहेको फिल्ममा माओत्से गुरुङ, प्रविण खतिवडा, सरिता गिरी, भोलाराज सापकोटा, पुस्कर गुरुङ, कमलमणि नेपाल, धुर्व कोइराला, बसन्त भट्टलगायतका कलाकारको अभिनय छ । रामबाबु गुरुङ र दयाहाङ राईको लगानी रहेको फिल्ममा शिवराम श्रेष्ठको छायाँकन, अनुपम शर्माको संगीत, निमेष श्रेष्ठको सम्पादन र प्रविण सिंहको कोरियोग्राफी छ । सिनेमा आर्टको प्रस्तुतिमा नौमती इन्टरटेनमेन्टले फिल्म निर्माणमा सहकार्य गरेको छ । मणिराम पोखरेलको कार्यकारी निर्माण रहेको फिल्ममा ओम चन्द रौनियार र अर्जुन कार्कीको सह-लगानी छ ।