‘जस्मिन’को फस्टलूक पोस्टर

फिल्म ‘जस्मिन’को फस्टलूक पोस्टर सार्वजनिक भएको छ । पोस्टरमा अभिनेता आर्यन अधिकारी फिचर्ड छन् । फिल्म शंकर कार्कीले निर्देशन गरेका हुन् । निर्देशक कार्की भन्छन, ‘संगीतप्रेमीको जर्नी, एक अन्जान पात्रको निस्वार्थ सहयोग, साथीहरुको सम्बन्ध, पारिवारिक समस्या, समाजमा देखिने/सुनिने गम्भीर कुरालाई सिनेमाले आत्मसाथ गरेको छ ।’

फिल्ममा आर्यनका अलावा अशिष्मा नकर्मी, के.के अधिकारी, सेविका प्याकुरेल, रुपा राना, अभय बराल, नविन लम्साल, एलिशा शर्मा, विशाल पहाडी, कृष्ण खनाल, मिना बानियाँ र बालकलाकार श्रवणी थापाले अभिनय गरेका छन् । मेनका फिल्मस प्रालिको व्यानरमा निर्माण भएको फिल्ममा किरण घिमिरे (माइकल)को लेखन, अष्ट महर्जनको द्वन्द्व, मित्र डि गुरुङको सम्पादन र कोसिस क्षेत्री/कल्याण सिंह/एलिश कार्की/किरण घिमिरेको संगीत छ । फिल्मको ७५ प्रतिशत छायाँकन नेपालमा सकिएको छ । बाँकी २५ प्रतिशत सुसन प्रजापतिले चिनमा खिच्नेछन् । निर्माण नियन्त्रक सुर्य बुढाथोकीका अनुसार फिल्मको जम्मा लागत २ करोड ७५ लाख पुग्नेछ ।