प्रदर्शनको पुर्व सन्ध्यामा रोकियो ‘घामट शेरे’

फिल्म ‘घामट शेरे’ प्रदर्शनको पुर्व सन्ध्यामा रोकिएको छ । यहि कार्तिक ८बाट प्रदर्शनमा आउनलागेको फिल्म बुकिंग खुलेपछि रोकिएको हो । बुकिंग खुले संगै कतिपय दर्शकले टिकट समेत काटीसकेका छन् ।

फिल्मका वितरक प्रचण्डमान श्रेष्ठका अनुसार फिल्मले अनुमानित ब्यवसायीक लक्ष्य पुरा नगर्ने देखिएको कारण फिल्म अन्तिम समयमा रोकिएको हो । र पुनः प्रचारलाई तिब्र पार्दै फिल्म छिटै नै हलमा लगाउने उनले बताए । फिल्मकी मुख्य कलाकार स्वस्तीमा खड्काले समेत ट्रेलर सार्वजनिक कार्यक्रममा ‘फिल्म नरोकिएको खण्डमा कार्तिक आठमा आउने’ भन्दै फिल्म उक्त  समय नआउने तर्फ संकेत गरेकी  थिइन् ।