सकियो ‘सेल्फी किंग’ को पहिलो सेड्युल

फिल्म ‘सेल्फी किंग’ को पहिलो सेड्युल सकिएको छ । सामाजिक संजाल फेसबुकमा तस्विर सार्वजनिक गर्दै निर्माता दिनेश राउतले उक्त कुराको जानकारी दिएका हुन् । अप्ठ्याराका बाबजुत फिल्मको पहिलो सेड्युल सकिएको उनले बताए ।

दिनेश राउत र सुभाष थापाको संयुक्त निर्माण रहेको फिल्म ड्रामेडी (ड्रामा प्लस कमेडी) जनराको हो । फिल्मलाई बिशाल सापकोटाले निर्देशन गर्दैछन् । फिल्मको शिर्ष भूमिकामा विपिन कार्कीको अभिनय रहने छ । विपिनका अलवा फिल्ममा लक्ष्मी बर्देवा, भुवन चन्द, अभय बराल, लोकमणी सापकोटा, सविन बाँस्तोला, कमल देवकोटा, राजेश बिसुराललगायतका कलाकारको अभिनय रहने छ भने अभिनेत्री केकी अधिकारीले बिशेष भुमिकामा अभिनय गर्नेछिन ।

फिल्ममा निर्देशक बिशालकै लेखन, सुसन प्रजापतिको छायाँकन, जीवन थापाको सम्पादन, सुवास भुषालको संगीत, बि. पाण्डेको शव्द, अञ्जु पन्त र पुरुषोत्तम सुबेदीको गायन, उदय पौडेलको संगीत संयोजन, निर्मल लामाको कोरियोग्राफी, कृति जोशीको श्रृगार, आशिष पौडेलको कस्ट्युम डिजाइन, उत्तम न्यौपानेको साउण्ड डिजाइन, बिनोद पौडेलको स्टील फोटोग्राफी र किशोर नेपालको कला निर्देशन रहने छ । फिल्ममा फष्ट एडिका रुपमा दिनेश बहादुर रावत, सेकेण्ड एडिका रुपमा गणेश शाही, एडिका रुपमा राजेश राज गिरी, तर्कराज न्यौपाने, सुलभ थापा रहेका छन् । फिल्मका सह निर्माता राजेश बिसुराल र प्रवल कोइराला हुन् ।