सुशील र श्रेष्ठको ‘बादशाह जुट’ ट्रेलर

फिल्म बादशाह जुट को ट्रेलर सार्वजनिक भएको छ ।  ट्रेलरमा फिल्मका मुख्य कलाकारहरुलाई देख्न सकिन्छ ।  यहि कार्तिक १५बाट प्रदर्शनमा आउने फिल्म एक्सन कमेडी जनरामा बनेको छ । फिल्ममा सुशील पत्रकारको भूमिकामा देखिएका छन् भने आमिर पुलिस अफिसरको रोल गर्दै छन् ।

फिल्ममा सुशील श्रेष्ठ, आमिर गौतम, रोषी खड्का, केइषा रावत, रश्मि पाण्डे, रोबिन तामाङ, दीपक क्षेत्री, कमलमणि नेपाल र अतिथि भूमिकामा प्रियंका कार्कीको अभिनय रहेको छ ।  फिल्मको कथा तथा निर्देशन जोनी सिंह रानाको रहेको छ भने लेखन अभिषेक शशि कुमारको छ ।  फिल्ममा संगीत कृष्ण भारद्वाज र कोशिस क्षेत्रीले गरेका छन् ।  फिल्ममा कोरियोग्राफर विक्रम स्वाँर, एक्सन डिरेक्टर राजकुमार उप्रेती, डिओपी राजु कार्की र सम्पादक दिर्घ खड्का रहेका छन् ।  एच एण्ड बी फिल्मको प्रस्तुतिमा गोल्डेन ग्राफिक्स फिल्मस् एण्ड इन्टरटेनमेन्टको सहकार्यमा निर्माण भएको फिल्मको निर्माता निर्माता हर्क बहादुर कुँवर (पिटर) र भोजराज श्रेष्ठ (मिकी) रहेका छन्।