विराजको ‘साङ्लो’ पोष्टरसंगै प्रदर्शन मिति तय

विराज भट्टको डेब्यू निर्देशकिय फिल्म ‘साङ्लो’को अफिसियल पोस्टर संगै प्रदर्शन मिति सार्वजनिक गरिएको छ । एक्सन लुकमा प्रस्तुत सार्वजनिक पोष्टरमा अभिनेता भट्टलाई मात्रै फिचर्ड गरिएको छ । यसअघि कात्तिक १५ मा आउने भनिएको फिल्म अब महाशिवरात्रीको दिन अर्थात् फागुन ९ गते प्रदर्शनमा आउने भएको छ । यसअघि नै फागुन ९ लाई ‘लप्पन छप्पन २’, ‘आमा’ र ‘दयारानी’ आफ्नो प्रदर्शन मिति घोषणा गरेका थिए । ‘साङ्लो’ लाई विराज स्वयंले निर्माण गरेका हुन् ।

फिल्मले किड्नी तस्करीको कथा भन्ने छ । फिल्ममा विराजको जोडी पूर्व मिस नेपाल निकिता चाण्डकसँग बाँधिएको छ । फिल्ममा प्रकाश शाह नेगेटिभ रोलमा छन् । श्री श्रेष्ठको द्वन्द्व निर्देशन, मानकृष्ण महर्जनको छायाँकन रहेको फिल्ममा कामेश्वर चौरासिया, जयनन्द लामा, आर.पि. पन्तलगायतका कलाकारहरुको पनि अभिनय छ । सुरेश अधिकारी र राजनराज सिवाकोटीको संगीत रहेको फिल्ममा शिवम् अधिकारीले तयार पारेका हुन् ।