‘छ माया छपक्कै’ को प्रमोसनल गीत सार्वजनिक

फिल्म ‘छ माया छपक्कै’ को प्रमोसनल गीत सार्वजनिक भएको छ । दुर्गेश थापाको हिट तीज गीत ‘बिच्च बिच्चमा’ लाई लिएर निर्माण टिमले गीतको भिडियो तयार पारेको छ । सार्वजनिक भिडियोमा दुर्गेशको गीत कै किसिमको सेटमा काम गरिएको छ ।  भिडियोमा फिल्मका मुख्य कलाकार दीपक राज गिरि, केकी अधिकारी, सुपुश्पा भट्ट, जितु नेपाल, केदार घिमिरे, सुमन गिरी भान्जाको साथमा गायक दुर्गेश थापा फिचार्ड छन् । फिल्मकी सल्लाहकार दीपाश्रीलाइ समेत भिडियोमा देख्न सकिन्छ ।  गीतमा दर्शकलाई फिल्म हेर्न आउन अनुरोध गरिएको छ ।

दिपेन्द्र के लामाको कथा तथा निर्देशन रहेको फिल्म यहि असोज २४बाट प्रदर्शनमा आउदै छ । आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण भएको फिल्म ‘छ माया छपक्कै’ का निर्माता रोहित अधिकारी रहेका छन् । फिल्म छायांकन हरी हुमागाईंको छ । फिल्मका लागि कलाकार केकी अधिकारी, दिपकराज गिरी, दीपा श्री निरौला, जितु नेपाल, केदार घिमिरे, सुपुष्पा भट्ट लगायत छन् । फिल्ममा दिपाश्री निरौला सल्लाहकार निर्देशकको रुपमा रहेकी छन् ।