भुवनको ‘मिस्टर नेपाली’ को गीतमा विदेशीको पीडा

फिल्म ‘मिस्टर नेपाली’को दशैं लक्षित गीतको लिरिकल भिडियो सार्वजनिक गरिएको छ । ‘हे मेरा परदेशी दाजु भाई’ बोलको गीतले विदेश गएका नेपालीहरुको कथा भनेको छ । गीतमा हेमन्त कान्छा रसाइलीको स्वर, देव भुषालको शब्द तथा सुवाष भुषालको संगीत छ ।

फिल्ममा भूवन केसी, सरोज खनाल, विष्णु सापकोटा, रीमा विश्वकर्मा, नन्दु श्रीवास्तवको साथमा नयाँ अनुहार साहिल श्रेष्ठ र कुसुम राउतको मुख्य भूमिका छ । देव भुषालको लेखन, पटकथा तथा निर्देशनमा तयार भएको फिल्ममा प्रेमराज दाहालको लगानी छ । फिल्ममा निरज कँडेलको छायांकन, कविराज गहतराजको कोरियोग्राफी छ । फिल्म ‘मिस्टर नेपाली’मा नायक भूवन केसीलाई दोहोरो भूमिकामा देख्न पाइनेछ । विशेषगरि, परदेशमा रहे पनि मन त तेपाली नै हुन्छ भन्ने कथालाई यो फिल्मले प्रस्तुत गरेको छ । फिल्म कात्तिक २९ गतेबाट प्रदर्शनमा आउने छ ।