‘पोइ पर्यो काले’ मार्फत प्रेम परियारको कम्ब्याक

फिल्म ‘नाई नभन्नु ल २’ गीत गाएर चर्चामा आएका प्रेम परियारले फिल्म ‘पोइ पर्यो काले’ मा गएका छन् । उनले पछिल्लो पटक ‘नाई नभन्नु ल ४’ मा गीत गाएका थिए ।

‘पोई पर्यो काले’ को ‘मायाले मलाई’ बोलको गीतमा उनले आवाज दिएका छन् । रघु परियारको संगीत रहेको गीतमा पुरुषोत्तम न्यौपानेको शब्द रहेको छ । गीतमा कलाकार अभिनेता सौगात मल्ल र अभिनेत्री पूजा शर्मालाई फिचरिङ गरिएको छ । शिशिर राणाको कथा तथा निर्देशनमा तयार भएको फिल्मका प्रस्तुतकर्ता किरण नेपाली हुन् । फिल्म दीपक मनाङे (राजीव गुरुङ), सरोज नेपाली, अमलादेबी राई र देव तामाङले निर्माण गरेका हुन् । फिल्ममा आकाश श्रेष्ठ, श्रृष्टी श्रेष्ठ, सोहित मानन्धर लगायतका कलाकारको पनि मुख्य भूमिका छ । फिल्म कात्तिक ८ गतेबाट प्रदर्शनमा आउने छ  ।