सुरज थापाको स्वरमा ‘काले दाई’ को गीत सार्वजनिक

फिल्म काले दाईको गीत ‘यो दुनिया मेरो लागि होइन रहिछ’ सार्वजनिक भएको छ । गीतमा सुरज थापाको स्वर इन्द्र रामजालै र गोविन्द श्रेष्ठको शब्द तथा पवनवांग लामाको संगीत तथा संगीत संयोजन रहेको छ । यहि असोज १७बाट प्रदर्शनमा आउने फिल्ममा ईन्द्र रामजाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठ लगायतको अभिनय रहेको छ । फिल्मको कथा ईन्द्र रामजाली र किशन अर्यालले लेखेका हुन् । फिल्ममा पवन गौतमको छायांकन, कुमार महर्जनको द्धन्द्ध, रामजी लामिछानेको कोरियोग्राफी तथा तारा थापा ‘किम्भे’को सम्पादन छ । फिल्मलाई आरआर फिल्मस्ले वितरण गर्नेछ । फिल्म शिव शर्माले निर्देशन गरेका हुन् । नौधारे फिल्म प्रोडक्सन र रामजाली प्रोडक्सनको ब्यानरमा निर्माण भएको फिल्ममा सम्शेर गुरुङ र ईन्द्र रामजालीको लगानी छ ।