दुर्घटनामा नायिका केकी अधिकारी

गीतको छायाँकनको लागि काठमाडौबाट गएको स्कर्पियो राति करिव २ बजे रौतहटको कटहरिया १ मा दुर्घटनामा परेको छ । बा २० च ५४१० नम्बरको स्कोर्पियोमा फिल्म निर्देशका पुर्नेन्दु झा, नायिका केकी अधिकारी, मोडल रचना शिवाकोटी, छायाँकार आलोक सुक्ला, कलाकार विजय यादव निर्बिज, चालक सुजन पोखरेल सवार रहेका थिए । दुर्घटनामा सबै सुरक्षित रहेको नायिका केकी अधिकारीले मेरो फिल्मलाई बताएकी छन् ।

गीत ‘घुङटामे कबले तु रहबु अधिकार अपन माङ हे बहुरिया’ लगायत ४ वटा बजिक्का भाषाका सचेतना गितको छायाँकनका लागि टिम यात्रामा रहेको थियो । गीतको छायाँकन भोलिदेखि ४ दिनसम्म कटहरिया, मौलापुर, फतुवा बिजयपुर लगायतका क्षेत्रमा हुने जनाइएको छ । बालबिवाह, दाइजो प्रथा, छोरीलाई छोरासरह पढाउने जस्ता चेतनका निर्माण गर्न लागिएको सो गीतको निर्माणका लागि प्रदेश २ का नेकपा अध्यक्ष तथा संघीय सांसद प्रभु साहको लगानी रहेको छ ।