दमदार डाइलगले भरिएको ‘छ माया छपक्कै’ ट्रेलर

प्रतिक्षारत फिल्म छ माया छापकक्कै को ट्रेलर सार्वजनिक भएको छ । ट्रेलरमा दर्शकको मन छुने डाइलग राखिएको छ सुन्दै मिठो लाग्ने । फिल्ममा ४२ बर्षीय पुरुष र २४बर्षीय महिला बीचको प्रेम र त्यसले ल्याएका समस्याको साथमा समसामयिक बिषयलाइ समेटिएको छ । फिल्ममा दिपक राज गिरी र केकी अधिकारी साथै जितु नेपाल र सुपुश्पा भट्टको जोडीलाई देखाइएको छ । स्त्रीलाई बिगारेको पुरुषलाई मिस्त्रीले समेत बनाउन सक्दैन,धेरै उमेर अन्तर हैन छोरी मेरो र केटोको, यो समय आमा बुवाको बारे सोच्ने हैन हामी आमा बुवा कसरि बन्ने हो लगायत डाइलग एकै पटक मनमा बस्ने किसिमका छन् ।  निर्माण टिमले फिल्मको सामाग्री सार्वजनिक गर्न सुरु गरे संगै फिल्म प्रतिको उत्सुकता बढ्दो छ ।

दिपेन्द्र के लामाको कथा तथा निर्देशन रहेको फिल्म यहि असोज २४बाट प्रदर्शनमा आउदै छ । आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण भएको फिल्म ‘छ माया छपक्कै’ का निर्माता रोहित अधिकारी रहेका छन् । फिल्म छायांकन हरी हुमागाईंको छ । फिल्मका लागि कलाकार केकी अधिकारी, दिपकराज गिरी, दीपा श्री निरौला, जितु नेपाल, केदार घिमिरे, सुपुष्पा भट्ट लगायत छन् । फिल्ममा दिपाश्री निरौला सल्लाहकार निर्देशकको रुपमा रहेकी छन् ।