‘बटौली’ मा बिपिन र अनु (भिडियो)

गायक मनिष ढकालले नयाँ गीत ‘बटौली’ सार्वजनिक भएको छ । बटौली अर्थात बुटवल, तिनाँउ किनारको एउटा गाउँको कथा जसमा बालविवाह देखि १४ वर्ष पश्चात पुनर्मिलनको कथालाई समेटेर यो  गीतको भिडियो निर्माण भएको हो । अर्ग्यानिक टेस्टको यस गीतमा स्वर मनिष ढकालको रहेको छ भने शब्द हर्क साउदले लेखेका हुन । गीतमा संगीत एस. डी योगीको रहेको छ । गीतको संगीत संयोजन भने रिकेश गुरुङले गरेका हुन ।

सिनेमेट्रोग्राफिक एफेक्टहरु केहि पनि नहालीकन बनाइएको यो भिडियोमा बिपिन कार्की , अनु काफ्ले , सुमन मगर , मनांग लावती , मनिष ढकाल , हर्क साउद , साजन सुबेदी र अन्य कलाकारको जिवन्त अभिनय देख्न सकिन्छ । नविन चौहानको निर्देशनमा बनेको यस गीतको भिडियो मौलिक लाग्छ । बबिन दुलालले छायांकन गरेको भिडियोलाई सुनिल पौडेलले सम्पादन गरेका हुन ।