‘लक्का जवान’ मा सविन श्रेष्ठको इन्ट्री

फिल्म लक्का जवानमा नायक सविन श्रेष्ठको इन्ट्री भएको छ । लामो समयको अन्तराल पछी उनी फिल्ममा फर्किएका छन् । कमेडी जानराको फिल्ममा उनको कस्तो रोल रहेको छ भन्ने खुलाइएको छैन । उनी अभिनयको कारण भन्दा पनि सुगठित शरीरको कारण चर्चामा रहने गरेका छन् ।

फिल्मका निर्देशक शिवहरी पौडेल रहेका छन् । फिल्ममा सविनको साथमा किरण केसी, दिलिप रायमाझी, राजाराम पौडेल, वर्षा सिवाकोटी, प्रियंका कार्की, सलोन बस्नेत लगायत कलाकारको अभिनय रहने छ । किरण केसी, दिलिप रायमाझी, सुरेन्द्र केसीको निर्माणमा बन्ने फिल्ममा शिवहरीले फिल्म निर्देशनमा डेब्यु गर्दैछन् । फिल्म चैत्रको ७ गतेबाट प्रदर्शनमा आउने छ । फिल्मको छायांकन काभ्रेपलान्चोक जिल्लामा भैरहेको छ ।